с. Вольдино

 Николай Андрианович Уляшев

1910?

Уроженец с. Вольдино. На Великую Отечественную войну призван в августе 1941 г., рядовой. Демобилизован в ноябре 1945 г.

 «Книга памяти Республики Коми», том 6, стр. 821

 

Как молоды мы были!

 Николай Андрианович Уляшев родился в 1910 г. Окончил 4 класса Вольдинской начальной школы.

 Работал мастером леса Вольдинского лесопункта Усть-Куломского леспромхоза до 1939 г. Потом работал счетоводом в колхозе «Вöр фронт». В 1927 г. приняли в комсомол. Был секретарём ячейки.

 В августе 1941 г. мобилизовали на войну. Отправили в 34-й запасной полк г. Архангельска, затем в 77-ой, в январе 1942 г. отправили на Юго-Западный фронт миномётчиком в 15 дивизию 127-й миномётной батареи.

 С февраля по сентябрь 1942 г. в 108-м отдельном армейском батальоне, в роте БТР в 5-й армии Воронежского фронта. С ноября 1942 г. по июнь 1944 г. – в 986-м стрелковом полку 26-й дивизии 6-й армии 1-го Украинского фронта.

 Воевал на Курской дуге, форсировал Днепр, брал Киев, освобождал Чехословакию.

 География боевых дорог рядового Николая Андриановича: Воронеж, Станислав, Сумы, Житомир, Дрогобыч, Ужгород, Чернигов, Львов, Курск; Украина, Чехословакия.

Награждён медалями «За Отвагу», «За победу над Германией в Великой Отечественной войне 1941–1945 гг.».

               Ю.П. Сергатова

 

Вӧлім сюсьöсь да зiльöсь

 Николай Андрианович Уляшев – войнаса ветеранъясысь öти. Сылöн эмöсь фронтöвöй наградаяс, кодъяс и öнi на казьтывлöны томдырся яръюгыд серпасъяссö. Но ветеранлöн олöмын эм и мöд тöдчана казьтылантор. Николай Андрианович медводдза комсомолецъяс лыдын тышкасис сиктлöн талунъя мича олöм вöсна, вöлi колхозлы подув пуктысьясысь öтиöн. Тайö кад йывсьыс сійӧ казьтывлö:

 – Коллективизация заводитчытöдз на позис казявны миян сиктъясын, кыдзи нырччöны йöзыс выль олöмлань. Тайö тыдалiс торйöн нин том войтырлöн. Миян грездын юрнуöдiсны татшöм йöзнас Михаил Уляшев (бöрыннас уси Великöй Отечественнöй война вылын), Дмитрий Уляшев (помалiс высшöй партийнöй школа да уджалiс партийнöй органъясын), Павел Уляшев. Кор котыртчис комсомольскöй ячейка, найö вöлiны активнас, а Михаил Уляшев лоис секретарöн.

Вöлiны, дерт, сэтшöм йöз, кодъяс сынiсны асланьыс, крепыда кутчысисны важас, быд ногыс торкисны миянöс. Öтувъя овмöс котыртiгöн найö некыдз эз сетны видз-му овмöс инвентар, начкалiсны скöтöс, ньöбöмöн да повзьöдлöмöн ышöдiсны та вылö и мукöдъясöс.

 Медводз миян ячейка шуис лöсьöдны клуб сямаöс. Кутiм чукöртчывны Рöман Парась ордын. Первойсö волывлiсны татчö лыда йöз, медсясö зонъяс. Но мыйöн сюрис лампöвöй радиоприёмник, кывзыны сiйöс да шензьыны кежавлiсны и миян вылö букыша видзöдысьяс («Крестьянка» радиоприёмникнас премируйтлiсны комсомольскöй ячейкасö бур уджысь – П. Уляшева).

 Сиктбердса ыб вылын вöлi сулалö часовня. Ми думыштiм сiйöс босьтны ас киясö, сэтчö вуджöдны клубсö. Öти лунö чукöртчим да чегим крестсö, пытшкöссьыс нетшким да шыблалiм став öбразъяссö. Танi кутiсны овлыны том йöзлöн рытъяс, а сэсся мöдiм пуктыны постановкаяс. Артистъяснас вöлiм асьным. Казьтыштан да, öнi серам петö, кыдзи ми пасьтасьлiм-вöччылiм выступайтiгкежлö. Используйтлiм ставсö, грим пыдди босьтлiм кудель, мавтчылiм саöн. Но первойя спектакльяс Вöльдiнын буретш и сибöдiсны, позьö шуны, унджык йöзсö миян ячейка бердö.

 1929 воын медся активнöй том войтырыс – 22 морт, öтувтчим да кайим лэдзны вöр. Тайö вöлi öнiя ыдждöдöм бригада сяма, сетлiм сылы нимсö 16-ӧд партсъездлысь, сöмын тай миян эз вöвны вына тракторъясыс, кутшöмъясöн пöрöдчöны öнi, ни кыскасян гырысь машинаясыс.

 «Эжва йыв» колхоз котыртчöм бöрын мöд вонас артельöн уджавны вöлi долыдджык.

  30-öд вояс, сьöкыд, но кыпыд кад. Страна бырöдiс гражданскöй войналысь колясъяссö, кыпöдчис-стрöитчис. Стрöитчисны да лöсьöдiсны выль олöм и Коми муын. А та могысь пыр унджык колiс вöр. Помнита, кыдзи кайлiм пöрöдчыны ас сиктсаяскöд, чукöрмылас вöлi 120 мортöдз. Со кöнi вöлi петкöдчö коми войтырыдлöн öтувъялуныс, аскиа мича луныслы эскöмыс. 22 тысяча кубометр, республика пасьта медуна – татшöм вöлi миян вочакывным партиялöн сiйö кадся чукöстчöм вылö. Нимавны кутiсны и асланым геройяс. Михаил Андреевич Шахов, öнi войнаса инвалид, кипомысь вöлi öтнас сезонöн сетö 1000 кубометрöдз. Оз кольччыны сыысь и Василий Иванович да Степан Семёнович Уляшевъяс.

 А тулысын, гожöмын да арын уджыс тырмис видз-му вылын. Петöны вöлi йöзыс пуктысьнытö шондiöдз, кор лысваыс на оз усь, а локтöны шондi саялöм бöрын нин. Миян войвывса условиеясын гöлиник муяслöн быд гектар вылысь чукöртам вöлi няньсö 29-30 центнерöн. Тайö мöй оз висьтав сэкся том йöзлöн уджачлун, быдторйын водзмöстчöм йылысь?

 Зiля да кыпыда олiм. Омöлик тöдöмлунъясöн да олöмыслысь помся велöдчöмöн, ме сэки воöдчи счетоводöдз. Сыöн и уджалi война заводитчытöдз. Великöй Отечественнöй вылö мунi 1941 вося август 23 лунö. Менсьым уджöс примитiс сэсся гöтырöй, сэки томиник да зэв сюсь ныв Павла Андреевна. Налöн небыд кияса аньяслöн пельпомъяс вылö и вуджисны миян ыджыд овмöс вöсна тöджлунъясыс. А ми мунiм дорйыны Рöдина.

 «Ленин туйöд» газетысь

Материал предоставлен Вольдинской библиотекой

 

 © Усть-Куломская межпоселенческая библиотека